النائبة ميرفت موسى: "هنقعد لامتى بننتقل من عزاء لعزاء..مش عارفين نواجه الناس"

ألقت النائبة ميرفت موسى، كلمتها خلال الجلسة العامة للبرلمان اليوم، بشأن حادث المنيا الإرهابى الذى أسفر عن استشهاد نحو 29 شهيدا من الأقباط، باكية، وقالت: "بيوت مهددة وأطفال بيموتوا ومش عارفين نقول ايه، لما تكون دول العالم توجه تحذيرات للناس المقيمين ف نصر ولما نكون عارفين إن المنيا مستهدفة ومفيش أى نوع من الحراسة ..ولما الناس تقعد ساعتين لما يجيلها الاسعاف والشرطة مستنيين ايه تانى".

وتابعت النائبة: "مش عارفين نواجه الناس..هنقعد كل شوية ننتقل من العزاء دا للعزاء دا..مش قادرين نواجه الناس مقصرين فى حقهم، حتى شهادات الوفاة مش عارفين يطلعوها ليه الاستهتار بالناس بالصورة دى".