الأحد، 07 يوليو 2024 04:07 م

نائبة لوزيرة التضامن: "الـ130 جنيه زيادة المعاشات متجيبش علبة كحك"

نائبة لوزيرة التضامن: "الـ130 جنيه زيادة المعاشات متجيبش علبة كحك" النائبة جليلة عثمان
الإثنين، 12 يونيو 2017 02:46 م
كتب محمود حسين

طالبت النائبة جليلة عثمان، عضو لجنة القوى العاملة بمجلس النواب، بعدم وضع حد أقصى لزيادة المعاشات، وإمكانية زيادة الحد الأدنى المحدد بـ130 جنيه، قائلة: "الـ130 جنيه دى متجبش علبة كحك".

 

 وتابعت جليلة عثمان، خلال اجتماع لجنة القوى العاملة المنعقد اليوم، بحضور وزيرى المالية والتضامن: "هو اللى بياخد 4 آلاف جنيه دا أ بصله أنه من علية القوم..لا طبعا ولا حتى اللى بياخد 6 آلاف.. كله تعبان، والحد الأدنى لو فيه إمكانية لرفعه مفيش مشكلة، لكن لا يكون هناك حد أقصى لزيادة المعاشات، وبعدين المادة 3 عليها تحفظات وانتوا كحكومة دايما بتدونا لغم فى كل قانون".

 

 وعقبت وزيرة التضامن على كلمة النائبة: "الموضوع مش علبة كحك، المعاشات وزيادتها مش بناخد عليها تأمينات، البلد كلها الأجور والمعاشات فيها متدنية، دا وضع بلدنا لكن ننظر مين محتاج أكتر، ونعمل وفق القدرات والإمكانيات، ويجب أن نأخذ فى الاعتبار الأثر التراكمى للسنوات الماضية ودا مبلغ أصبح جزء من المعاش ومبلغ بيتحسب علينا".


الأكثر قراءة



print